Хөдөлмөр, Нийгмийн хамгааллын сайд болон Үндэсний статистикийн хорооны даргын тушаалаар Хөгжлийн бэрхшээлтэй иргэдийн анхдагч мэдээллийн сан бүрдүүлэх нэгдсэн тооллогын ажлыг Улсын хэмжээнд зохион байгуулахаар болсон. Энэ ажлын хүрээнд 2019 оны 2 дугаар сард Ховд аймгийн хөгжлийн бэрхшээлтэй хүүхэдтэй өрх бүрийг үзлэг тооллогод хамруулан, цахим мэдээллийн сан бүрдүүлэх ажлыг Норвегийн тусламжийн байгууллагын “Хөгжлийн бэрхшээлтэй хүүхдийн хөгжлийг дэмжих бэлтгэл төсөл”-ийн санхүүжилтээр зохион байгуулахаар болсон байна. Үүнтэй холбогдуулан өнөөдөр ХБХХД бэлтгэл төслийн Удирдах зөвлөл хуралдлаа. Хурлаар 2019 оны үйл ажиллагааны төлөвлөгөөгөө хэлэлцэн баталж, ХБИ-ийн үзлэг, тооллогын ажлын бэлтгэлийг хангах үүднээс 2 сарын 19-20-ны өдрүүдэд зохион байгуулах сумдын тоологчдыг бэлтгэх сургалтын талаар ярилцлаа.
