Улс орны минь гэрэлт ирээдүй болсон хүүхэд багачууд та бүхэндээ Олон улсын хүүхдийн эрхийг хамгаалах өдөр, Хүүхдийн баярын мэндийг дэвшүүлж, сурч тэмүүлэх их үйлст нь амжилтын дээдийг ерөөе.

Жил бүрийн 06 дугаар сарын 1-ний өдрийг Олон улсын хүүхдийн эрхийг хамгаалах өдөр болгон зарлаж дэлхий нийтээрээ тэмдэглэн өнгөрүүлдэг бөгөөд энэ жил улс орон даяар “Нэгдүгээрт хүүхэд-Үндэсний хөдөлгөөн”-ий хүрээнд зохион байгуулж байна.

Энэ удаагийн хүүхдийн баярыг Иргэд, олон нийтэд хууль тогтоомжийг сурталчлан таниулах, хүүхдийн эрхийг хангах санал, санаачилгыг өрнүүлж, коронавируст халдвар /Ковид-19/ цар тахлын нөхцөл байдалтай уялдуулан цахим хэлбэрээр зохион байгуулж байгааг зориуд онцлон хэлье.

Хүүхдийн хөгжлийн анхдагч орчин нь гэр бүл. Тийм учраас хүүхдийг зөв хүмүүжүүлэх, хөгжүүлэх, тэднийг ирээдүйд сайн хүн болгон төлөвшүүлэхэд гэр бүлийн халуун, дулаан уур амьсгал, аав ээжийн хайр энэрэл, үнэт сургаал, үүрэг хариуцлага хамгаас чухал.

Бүхий л түвшинд хүүхдийн эрхийг хангаж, хөгжил оролцоог дэмжиж улмаар хүүхэд бүрийн нүднээс аз жаргал, баяр баясгалан гэрэлтэн байж, амьдрал нь үргэлж баяр цэнгэл инээд хөөрөөр бялхаж байхын өлзийтэй ерөөлийн өргөн дэвшүүлье!