2025 оны 2 дугаар улирлын Төрийн албаны ерөнхий шалгалт өнөөдөр /2025.05.22 / эхэллээ. 



Төрийн албаны нөөцийг бүрдүүлэх зорилго бүхий энэ удаагийн шалгалтад Ховд аймгаас 152 иргэн оролцохоор бүртгүүлсэн байна. Төрийн албаны зөвлөлийн Ховд аймаг дахь салбар зөвлөлөөс шалгалтыг энэ сарын 22,23-ны өдрүүдэд 7 ээлжээр тогтоосон цагуудад авах юм. Нийт шалгуулагчдын 3 иргэн нь хөгжлийн бэрхшээлтэй. Иймээс хөгжлийн бэрхшээлтэй иргэнийг тусгай шалгалтын программаар 23-ны өдрийн хоёрдугаар ээлжид авахаар төлөвлөсөн гэдгийг Төрийн албаны ерөнхий шалгалтын салбар комиссоос мэдээллээ. 



Нэгдүгээр ээлж буюу энэ өглөөний 7:30 цагийн шалгалтад 15 шалгуулагч хамрагдаж шалгалтаа өгч байна. Шалгалтыг Ховд аймгийн Шүүхийн тамгын газрын дарга, Салбар зөвлөлийн гишүүн Д.Даваасүрэнгээр ахлуулсан 15 хүний бүрэлдэхүүнтэй ажлын хэсэг зохион байгуулан ажиллаж байна.