НҮБ-ын Хүн амын сангийн “Эх, нярайн эрүүл мэндийн тусламж үйлчилгээнд шинэ техногийг нутагшуулах нь” төслийн хүрээнд эх барих, эмэгтэйчүүдийн тусламж үйлчилгээг сайжруулах зорилгоор Ховд аймгийн БОЭТ-д эх барихын яаралтай тусламжийн ур чадварт суралцах сургалтын танхимыг байгуулсан байна. Тэгвэл өнөөдөр НҮБ-ын Хүн амын сангийн Шадар суурин төлөөлөгч А.Илиза тэргүүтэй төслийн багийнхан болон БОЭТ-ийн хамт олон тус танхимын нээлтийн үйл ажиллагааг зохион байгуулж, 11 өртөө бүхий 40 орчим сая төгрөгийн сургалтын тоног төхөөрөмж, хэрэглэгдэхүүнүүдийг хүлээлгэн өглөө.