Чуулганд 300 орчим хүн оролцож хаьрын тариалалтын ажил болон “ТЭРБУМ МОД” хөтөлбөрийг хэрхэн хэрэгжүүлэх талаар салбарын бодлого чиглэл, хийх ажлын талаар мэдээлэл сонсож өөрсдийн санал бодлоо илэрхийллээ. Ховд аймаг жилд 100000 орчим мод тарьдаг. Тэгвэл “ТЭРБУМ МОД” хөтөлбөрийн хүрээнд жилд 2,0 сая мод тарихаар төлөвлөж байна. Ингэхдээ иргэдийн амьдрал, эдийн засагт үр өгөөжтэй өөрөөр хэлбэл голдуу жимсгэний мод тарихыг чухалчилж байна гэлээ.

Ховд аймгийн Булган сумынхан жимс жимсгэний мод тарьж арчилж ургуулж ирсэн туршлагатай. Мод үржүүлгийн чиглэлээр олон жил ажилласан туршлагатай аж ахуйн нэгж, иргэдтэйгээ хамтран ажиллахаар төлөвлөж байна. Нэгдсэн чуулганд оролцогчид Монгол улсын Ерөнхийлөгчийн санаачилсан ажлыг дэмжиж өөрсдийн талбайд үржүүлсэн мод, бутаа хандивлах, залуусыг зааж сургах зэргээр хамтран ажиллахаа илэрхийлж байв. Тухайлбал, Булган сумын "Хөх тохой" ХХК жимсний модны нэг сая суулгац гаргаж нийлүүлэхээр төлөвлөжээ.

“ТЭРБУМ МОД" хөтөлбөрийг Ховд аймаг 2030 он хүртэл 2 үе шаттай хэрэгжүүлнэ. Эхний үе шат буюу 2022-2024 оны хугацаанд 9000 га-д бүрэн тариалалт хийнэ. Үүнээс сум бүр 2 га мод үржүүлгийн талбайтай, 10 хүртэлх га талбайд ойн төгөл, ойн зурвас байгуулж, зурвас дотроо олон төрлийн жимс, ногоо, тариа, тэжээлийн ургамал тариалж, ногоон орчныг бий болгохоор төлөвлөөд байна.