Ховд аймаг
ЗАСАГ ДАРГА ТАМГЫН ГАЗАР
Нүүр
АЙМГИЙН ТУХАЙ
НУТГИЙН УДИРДЛАГА
Бодлого чиглэл
Ил тод
Холбоо барих
Орчин цагийн боловсролын салбар үүссэний 100 жилийн ойг тэмдэглэв
2022-1-5
Боловсрол, Эрүүл мэнд
Цаг үеийн мэдээ
Монгол Улсад орчин цагийн боловсролын салбар үүсч, хөгжсөний 100 жил (1921-2021)-ийн ойн баярын хурал, хүндэтгэлийн арга хэмжээг Ховд аймаг өнөөдөр /2021.12.18/ ХДТ-т зохион байгуулав. Баярын хуралд Ховд аймагт үйл ажиллагаа явуулж буй ерөнхий боловсролын сургууль, цэцэрлэгийн багш нарын төлөөлөл, ахмад багш нар оролцлоо. Энэ үеэр аймгийн Боловсролын газрын дарга Б.Алтангэрэл Ховд аймгийн боловсролын салбарын түүхэн хөгжил, амжилт ололтын талаар илтгэл танилцуулав. Дараа нь УИХ-ын гишүүн, ХЗБХ-ны дарга С.Бямбацогт, УИХ-ын гишүүн Ш.Адьшаа, аймгийн ИТХ-ын дарга Г.Пүрэвганди, Засаг дарга Б.Дүгэржав нар баярын хуралд оролцогчид, боловсролын салбарт ажиллаж буй нийт багш, ажилчдад баярын мэндчилгээ дэвшүүллээ. Ховд аймгийн Засаг дарга Б.Дүгэржав хэлсэн үгэндээ: “Нэгэн зууны түүхэнд ажиллаж ирсэн үe үeийн багш, сурган хүмүүжүүлэгч, боловсролын салбарын нийт хамт олон ард түмнээ соён гэгээрүүлэх их үйлсэд "ЯЛАЛТ" байгуулсан нь түүхэн амжилт.
Шинэ зуунд багш нар маань хүүхэд нэг бүрийг хөгжүүлж "Оюуны боловсрол" олгохын зэрэгцээ "Сэтгэлийн боловсрол" олгох нь чухал юм” хэмээн онцлон тэмдэглэв. Баярын хурын үеэр боловсролын салбарт олон жил үр бүтээлтэй ажиллаж байсан ахмад, дунд үеийн багш, ажилчдыг төрийн дээд одон медалиар шагнасныг гардуулж баяр хүргэв. Ахмад багш Б.Шоовдой гуайг Ховд аймгийн 100 эрхэм”-ийн нэгээр шалгаруулан хүндтэй шагналыг нь гардуулсан бол нэр бүхий ахмад багш нарт гарын бэлэг гардуулж хүндэтгэл үзүүллээ. Ховд аймгийн боловсролын салбар тэртээ 1923 онд 4 эсгий гэр, 2 багш, 25 хүүхэдтэйгээр түүхийн хуудсаа нээж байжээ. Тэгвэл өнөөдөр төрийн өмчийн eрөнхий боловсролын 25 сургууль, 33 цэцэрлэг, хувийн өмчийн 10 гаруй цэцэрлэгтэй болж 2650 гаруй багш, ажилчид 27000 орчим хүүхэд багачуудыг сурган, хөгжүүлж байна. Баярын хурлын төгсгөлд сургууль, цэцэрлэгийн авьяаслаг багш нар боловсролын байгууллагын 100 жилийн түүхэн хөгжил, дэвшил, өөрчлөлт шинэчлэлтийн өнгө аясыг урлагийн тоглолтоор харуулсан нь олны талархлыг хүлээлээ.
Шинэ зуунд багш нар маань хүүхэд нэг бүрийг хөгжүүлж "Оюуны боловсрол" олгохын зэрэгцээ "Сэтгэлийн боловсрол" олгох нь чухал юм” хэмээн онцлон тэмдэглэв. Баярын хурын үеэр боловсролын салбарт олон жил үр бүтээлтэй ажиллаж байсан ахмад, дунд үеийн багш, ажилчдыг төрийн дээд одон медалиар шагнасныг гардуулж баяр хүргэв. Ахмад багш Б.Шоовдой гуайг Ховд аймгийн 100 эрхэм”-ийн нэгээр шалгаруулан хүндтэй шагналыг нь гардуулсан бол нэр бүхий ахмад багш нарт гарын бэлэг гардуулж хүндэтгэл үзүүллээ. Ховд аймгийн боловсролын салбар тэртээ 1923 онд 4 эсгий гэр, 2 багш, 25 хүүхэдтэйгээр түүхийн хуудсаа нээж байжээ. Тэгвэл өнөөдөр төрийн өмчийн eрөнхий боловсролын 25 сургууль, 33 цэцэрлэг, хувийн өмчийн 10 гаруй цэцэрлэгтэй болж 2650 гаруй багш, ажилчид 27000 орчим хүүхэд багачуудыг сурган, хөгжүүлж байна. Баярын хурлын төгсгөлд сургууль, цэцэрлэгийн авьяаслаг багш нар боловсролын байгууллагын 100 жилийн түүхэн хөгжил, дэвшил, өөрчлөлт шинэчлэлтийн өнгө аясыг урлагийн тоглолтоор харуулсан нь олны талархлыг хүлээлээ.