Аймгийн Засаг даргын ажлыг хүлээж авсаны дараа анхаарлаа хандуулсан гол ажлын нэг бол өмчлөл, газрын маргааны улмаас огт ашиглагдаагүй “ЭВИЙН ХҮЧ” худалдааны төвийг ашиглалтад оруулах асуудал байлаа. Төр, хувийн хэвшил, хоршооны төлөөлөлтэй олон удаагийн уулзалт хийж, ярилцсаны үр дүнд зорьсон ажил биелэлээ олж байгаад баяртай байна. Өнөөдөр хоршооны 300 гаруй гишүүдтэй уулзаж “ЭВИЙН ХҮЧ” худалдааны төвийг ашиглалтад оруулах, аймгийн Засаг дарга, Хоршооны дарга нарын хооронд байгуулах урт хугацааны гэрээний төслийг танилцуулж, санал солилцлоо. Ховд аймгийнхаа 80000 гаруй ард иргэдийнхээ эрх ашгийн төлөө орон нутгийхаа бодлогыг дэмжсэн “ХОВД ЭВИЙН ХҮЧ” хоршооны бүх гишүүдэд талархсанаа илэрхийлж бизнесийн ажилд нь амжилт хүсье.