2021 оны 07 дугаар сарын 15-ны 8:00 цагаас 07 дугаар сарын 16-ны 08:00 цаг буюу сүүлийн 24 цагийн хугацаанд нийт 414 сорьцод PCR шинжилгээ хийжээ. Коронавируст халдварын батлагдсан тохиолдол 42-оор нэмэгдэж нийт 1856 боллоо.

Тодруулбал, Манхан сумаас 13, Цэцэг сумаас 3, Дуут сумаас 2, Мянгад сумаас 1  иргэнээс халдвар илэрчээ. Харин Жаргалант сумаас 23 иргэнээс халдвар илэрсэн байна. Тухайлбал,

-Буянт багт оршин суух 5,

-Рашаант багт оршин суух 2,

-Цамбагарав багт оршин суух 4,

-Магсаржав багт оршин суух 3,

-Бичигт багт оршин суух 1,

-Бугат багт оршин суух 6,

-Жаргалан багт оршин суух 2 иргэн байна.

Аймгийн Онцгой комиссын дэргэдэх “Шуурхай штаб”-аас өгсөн мэдээллээр Ховд их сургуулийн болон Халдвартын тасгийн “Тусгаарлах эмнэлэг”-т өнөөдрийн /2021.07.16/ байдлаар 206 хүн хэвтэн эмчлүүлж байгаагийн 17 нь 0-18 насны хүүхэд, 10 нь жирэмсэн эх байна. Тэдгээрээс маш хүнд-4, хүнд-10, хүндэвтэр-60 бусад нь хөнгөн.

“Мөнх цохилохуй” эмнэлэгт 2, сумдын Эрүүл мэндийн төв, “Тусгаарлах эмнэлэг”-т нийт 78 хүн хэвтэн эмчлүүлж байна.

Тэгвэл Жаргалант суманд 320, сумдад 52 нийт /372/ хүн гэрээр эмчлүүлж байна.

Сүүлийн 24 цагт эмнэлэг болон гэрийн эмчилгээнээс 81 хүн гарч батлагдсан нийт тохиолдлын 1215 нь эдгэрлээ.

Харин БОЭТ-ийн Халдвартын тасгийн “Тусгаарлах эмнэлэг”-т биеийн байдал нь маш хүнд байсан Жаргалант сумын харьяат, 77 настай эмэгтэй, иргэн П. Коронавирусний халдвар, архаг, хууч өвчний хавсарсан оношоор 07 дугаар сарын 15-ны 16:00 цагийн орчимд нас баржээ. Талийгаачийн гэр бүл, үр хүүхэд, ах дүү төрөл, төрөгсдөд гүн эмгэнэл илэрхийлье.

Өнөөдрийн /2021.07.16-ны 09:00 цаг/ байдлаар аймгийн хэмжээнд ойрын хавьтлын 3641 иргэн гэрийн тусгаарлалтад, гэрийн ажиглалтад-67 иргэн байна.

Иргэн бүр хариуцлагатай байж, “ДЭГЛЭМ”-ээ баримталъя.

Халдвараас сэргийлэн вакциндаа идэвхтэй хамрагдаж "ХАЛДВАРЫГ ХАМТДАА ДАВЪЯ"