Баяр наадмыг аймгийн Засаг дарга, Баруун бүсийн зөвлөлийн дарга Б.Дүгэржав нээж, нутгийн зон олон, наадамчдадаа мэндчилгээ дэвшүүллээ.

Тэрбээр "Ховд аймаг байгуулагдсаны түүхт 90, 91 жилийн ойгоо хамтын хөдөлмөр зүтгэлээр хөрөнгө оруулалт бүтээн байгуулалтын их ажил өрнүүлэн, аймаг орон нутгаа цэцэглүүлэн хөгжүүлж, эдийн засаг нийгмийн хөгжлөөрөө бүс нутагтаа тэргүүлсэн аймаг болсон сайхан амжилт, бүтээлээр угтаж байгааг онцлон тэмдэглэж" хотол олноороо өргөн дэлгэр сайхан наадахын ерөөл өргөлөө.

Энэ үеэр Ардын жүжигчин Ж.Чулууны нэрэмжит Хөгжимт Драмын театрын уран бүтээлчид, ГБХЗХГ-ын морин хуур, бүжгийн дугуйлангийн авьяаслаг сурагчид олон угсаатны түүх, соёл, өв уламжлал, бахархлыг илтгэсэн урлагийн тоглолтоор наадамчин олны мэлмий, сонорыг мялаав.