“ЦАЙНЫ ЗАМ ӨВ СОЁЛЫН II НААДАМ" БОЛЖ БАЙНА
2019-8-26
Соёл урлаг, спорт
Цаг үеийн мэдээ
Олон угсаатны бүлгүүдийн өв соёлыг өвлүүлэн үлдээх, түгээн дэлгэрүүлэх, цайны соёлыг сурталчлах, орон нутгийн аялал жуулчлалыг хөгжүүлэх зорилгоор БОАЖЯамны дэмжлэгтэйгээр аймгийн ЗДТГ, БОАЖГ, БСУГ, ХХААГ-аас мэргэжлийн бусад байгууллага, холбоодтой хамтран “Цайны зам II өв соёлын наадам”-ыг 8 сарын 13-16-ны өдрүүдэд зохион байгуулж байна.
Тус наадмын нээлтийн үйл ажиллагаа өнөөдөр аймгийн төв талбайд боллоо. Нээлтийн үйл ажиллагааны үеэр Ховд аймгийн 17 сумын иргэд хөдөлмөрчид угсаатны соёл уламжлалаа илтгэсэн үндэсний хувцсаараа гоён баярын жагсаалд оролцлоо.
Үүний дараагаар Манхан сумаас 50 орчим тэмээн жингийн цуваа хөтлөн 100 гаруй километр нүүдэллэж ирсэн зургаан жинчин аймгийн төв талбайд ирж, тэмээнд ачаа тэгнэн нүүдэллэх эртний соёл уламжлал, ёс заншлын нэгээхэн хэсгийг олон нийтэд сурталчлан харуулсан юм.
Мөн Ховд аймгийн 13 угсаатны бүлгүүд өөр өөрсдийн цай чанах өвөрмөц арга, уламжлалт ёсоо танилцуулж, угсаатны соёлыг илтгэсэн язгуур урлагийн тоглолт сонирхууллаа. “Цайны зам өв соёлын II наадам”-ын хүрээнд “Ховдын хөгжил” үзэсгэлэн худалдааг зохион байгуулж, 100 гаруй иргэн, аж ахуйн нэгж 70 орчим нэр төрлийн бүтээгдэхүүн худалдан борлуулж байна.
Үүний дараагаар Манхан сумаас 50 орчим тэмээн жингийн цуваа хөтлөн 100 гаруй километр нүүдэллэж ирсэн зургаан жинчин аймгийн төв талбайд ирж, тэмээнд ачаа тэгнэн нүүдэллэх эртний соёл уламжлал, ёс заншлын нэгээхэн хэсгийг олон нийтэд сурталчлан харуулсан юм.
Мөн Ховд аймгийн 13 угсаатны бүлгүүд өөр өөрсдийн цай чанах өвөрмөц арга, уламжлалт ёсоо танилцуулж, угсаатны соёлыг илтгэсэн язгуур урлагийн тоглолт сонирхууллаа. “Цайны зам өв соёлын II наадам”-ын хүрээнд “Ховдын хөгжил” үзэсгэлэн худалдааг зохион байгуулж, 100 гаруй иргэн, аж ахуйн нэгж 70 орчим нэр төрлийн бүтээгдэхүүн худалдан борлуулж байна.