“ГАМШГААС СЭРГИЙЛЭХ ТӨР, ОРОН НУТАГ, ИРГЭДИЙН ХАМТЫН АЖИЛЛАГАА” СЭДЭВТ ЛЕКЦ, ХЭЛЭЛЦҮҮЛЭГ ЗОХИОН БАЙГУУЛЛАА Монгол Улсын Засгийн газрын ивээл дор Баруун бүсийн төв-Ховд аймгийн Онцгой байдлын газраас Жайка ОУБ-тай хамтран “Гамшгаас сэргийлэх Төр, орон нутаг, иргэдийн хамтын ажиллагаа” сэдэвт олон нийтэд зориулсан лекц, хэлэлцүүгийг 3-р сарын 28-ны өдөр зохион байгууллаа. Гамшгийн аюулаас урьдчилан сэргийлэх, эрдслийг бууруулах, гамшгийн үед хэрхэн ажиллах талаар иргэдийн мэдлэгийг дээшлүүлэх зорилгоор зохион байгуулсан лекц, хэлэлцүүлэгт Жаргалант сумын 12 багийн Засаг дарга, Нийгмийн ажилтнууд, Гамшгаас хамгаалах мэргэжлийн анги албадуудын төлөөллүүд болон иргэдийн төлөөлөл 200 гаруй хүн оролцсон юм. Арга хэмжээний эхэнд аймгийн Онцгой байдлын газрын дарга, Дэд хурандаа Б.Алтанбадралт “Бүсийн хэмжээний газар хөдлөлтийн товч мэдээлэл” хүргэлээ. Үүний дараагаар Японы Нагоя их сургуулийн профессор Сүзүки Ясүхиро “Гамшгаас сэргийлэхэд Японы туршлага ашиглая”, профессор Нара “Гамшгаас сэргийлэхэд иргэний үүрэг оролцоо чухал”, МУИС-ийн профессор “Монголын даван туулах чадварыг бэхжүүлэх нь” сэдвээр газар хөдлөлтийн гамшгаас урьдчилан сэргийлэх, гамшгийн үед эрсдлийг хэрхэн давах туулах талаар илтгэл танилцуулав.