Ийнхүү сүүлийн үеийн дэвшилтэт технологийн зайн оношлогооны төхөөрөмжтэй болсноор алслагдсан аймаг, орон нутагт амьдарч буй эх, нярайн биеийн байдал хүндэрсэн тохиолдолд заавал Улаанбаатар хотыг зорих шаардлагагүйгээр тус тоног төхөөрөмжийн тусламжтайгаар хоногийн 24 цагийн аль ч үед ЭХЭМҮТ-ийн Эрчимт эмчилгээний тасгийн 3 дахь шатлалын зөвлөх эмч нартай холбогдон оношлогоо, эмчилгээний зөвлөгөө, мэдээлэл авах боломж бүрдэж байгаа юм. Ийнхүү зайн оношлогоог эрүүл мэндийн тусламж үйлчилгээний үйл ажиллагаанд нэвтрүүлэх нь эх, нярайн өвчлөл, эндэгдлийг бууруулахад чухал ач холбогдолтой болохыг эмч мэргэжилтнүүд хэлж байна.