Иргэд, олон нийтийн жендэрийн талаарх хэвшмэл ойлголт, хандлагыг өөрчлөх зорилготой тус аяны хүрээнд Ховд аймгийн Жендэрийн салбар хорооноос олон талт ажил, арга хэмжээг зохион байгуулсан байна.

Энэ хүрээнд орон нутгийн сэтгүүлчдийн дунд олон нийтийн жендэрийн талаарх мэдлэг ойлголтыг сайжруулах, жендэрийн мэдрэмжтэй мэдээ, мэдээлэл, контент бэлтгэх уралдааныг зохион байгуулж, шилдгүүдийг шалгарууллаа.

Тус уралдаанд Ховд телевизийн сэтгүүлч Д.Лхагвацэрэнгийн бүтээл “Эрэгтэйчүүдийн эрүүл мэндийн асуудлыг хөндсөн нэвтрүүлэг”, сэтгүүлч Б.Оюунжаргалын бүтээл “Мэргэжилд хүйс хамааралгүй” нэвтрүүлэг “Онцлох бүтээл”-ээр шалгарсан байна.

Сэтгүүлчдийн шагналыг аймгийн Засаг даргын Нийгмийн бодлогын асуудал хариуцсан орлогч Т.Дэлгэрсайхан гардуулан өгч, баяр хүргэлээ. |