Аймаг, орон нутгийн удирдлагууд шинэхэн гавьяатаа угтан авлаа
2019-7-29
Цаг үеийн мэдээ
Ардын хувьсгалын 98 жилийн ой, Үндэсний их баяр наадмын босгон дээр Монгол Улсын Гавьяат эдийн засагч цол тэмдэг хүртсэн төр нийгмийн зүтгэлтэн, зохиолч, сэтгүүлч Д.Жүгдэрбарам гуай өнөөдөр Ховд нутагтаа хүрэлцэн ирлээ.
Шинэхэн гавьяатыг аймаг орон нутгийн удирдлагууд Нисэх онгоцны буудалд хүндэтгэлтэйгээр угтан авсан юм.
Ховд аймгийн эдийн засгийн салбараас төрж буй 5 дахь гавьяат болох Д.Жүгдэрбарам гуайг аймгийн Засаг дарга, Баруун бүсийн зөвлөлийн дарга Б.Дүгэржав албан өрөөндөө хүлээн авч уулзан баяр хүргэж, хүндэтгэл үзүүллээ.
Монгол Улсын гавьяат эдийн засагч Д.Жүгдэрбарам гуай 1986 онд аймгийн Төлөвлөгөөний комиссын орлогч даргаар ажиллаж байгаад түүнээс аймгийн долоон Засаг даргын орлогчоор томилогдон тус албанд нийтдээ 22 жил ажилласан байна.
Дашрамд мэдээлэхэд манай аймгаас хамгийн анх аймгийн Төлөвлөгөөний комиссын даргаар ажиллаж байсан П.Лувсандорж Монгол Улсын гавьяат эдийн засагч болж байсан бол дараагаар нь Манхан сумын Сум нэгдлийн дарга асан Ү.Цэдэнбал, аймгийн Засаг дарга асан Н.Дамба, Статистикийн хэлтсийн дарга асан А.Шайзан нар энэхүү хүндтэй шагналыг хүртэж байжээ.
Монгол Улсын гавьяат эдийн засагч Д.Жүгдэрбарам гуай 1986 онд аймгийн Төлөвлөгөөний комиссын орлогч даргаар ажиллаж байгаад түүнээс аймгийн долоон Засаг даргын орлогчоор томилогдон тус албанд нийтдээ 22 жил ажилласан байна.
Дашрамд мэдээлэхэд манай аймгаас хамгийн анх аймгийн Төлөвлөгөөний комиссын даргаар ажиллаж байсан П.Лувсандорж Монгол Улсын гавьяат эдийн засагч болж байсан бол дараагаар нь Манхан сумын Сум нэгдлийн дарга асан Ү.Цэдэнбал, аймгийн Засаг дарга асан Н.Дамба, Статистикийн хэлтсийн дарга асан А.Шайзан нар энэхүү хүндтэй шагналыг хүртэж байжээ.