Ийнхүү 225 хүүхдийн багтаамжтай ясли, цэцэрлэгийн цогцолбор ашиглалтад орсноор Наран, Рашаант багийн 1200 гаруй айл өрхийн болон бусад багуудын 1,2-5 насны хүүхэд багачууд ая тухтай орчинд сургуулийн өмнөх боловсрол эзэмших боломж нөхцөл бүрдэж байгаа юм. Мөн орон нутагт 20 гаруй ажлын байр шинээр бий болж байна. Орон нутгийн зүгээс шинэ цэцэрлэгийн гал тогооны тоног төхөөрөмжийг Тика ОУБ-ын хөрөнгө оруулалтаар шийдвэрлэжээ. Цаашид хатуу, зөөлөн эдлэл худалдан авах, гадна талбайг тохижуулах санхүүжилтийн асуудлыг гадаадын төсөл хөтөлбөрийн байгууллагуудтай хамтран шийдвэрлэхэд анхаарч ажиллана гэдгийг аймгийн Засаг даргын орлогч Т.Жаргалсайхан нээлтийн үйл ажиллагааны үеэр онцлон хэллээ.