Ховд аймгийн хэмжээнд 3100 орчим хөгжлийн бэрхшээлтэй иргэн бий. Энэ нь нийт хүн амын 3 орчим хувийг эзэлж байгаа юм. “Хүртээмжтэй ирээдүй” өдөрлөгийн үеэр эдгээр иргэдэд чиглэсэн төрийн бодлого, үйл ажиллагаа, хөдөлмөр эрхлэлтийн өнөөгийн нөхцөл байдал, цаашид анхаарах асуудлуудын талаар оролцогчид санал солилцлоо. 17 дахь удаагаа зохион байгуулж буй энэ удаагийн өдөрлөгийн хүрээнд "Бид бүтээж чадна" шилдэг бүтээгдэхүүн шалгаруулах болзолт уралдаан, танин мэдэхүйн “АХА” тэмцээн зэрэг олон талт арга хэмжээг зохион байгууллаа. Мөн Норвегийн тусламжийн байгууллагаас “Хөгжлийн бэрхшээлтэй иргэнд ээлтэй байгууллага, хамт олон”-ыг шалгаруулж, шагнаж урамшуулав.