Манай улс 1952 оны 06-р сарын 01-ээс эхлэн “ХҮҮХДИЙН БАЯР”-ыг тэмдэглэж ирсэн. Харин сүүлийн жилүүдэд “ЭХ ҮРСИЙН БАЯР” болгон тэмдэглэдэг уламжлал тогтож айл өрх бүрийн хамгийн сайхан баяр болоод байна. Энэ жилийн хувьд “ЭХ ҮРСИЙН БАЯР”-ыг “ХҮҮХЭД БҮХЭН ГЭР БҮЛДЭЭ ЖАРГАЛТАЙ” уриан дор тэмдэглэж байна. Монгол улсын төр засгаас хүүхэд эмэгтэйчүүд рүүгээ чиглэсэн олон бодлого, үйл ажиллагаа явуулж байгаа бөгөөд тэднийг хүчирхийллээс хамгаалах асуудал төр засгийн бодлогын төвд байна. Мөн баярын босгон дээр Монгол Улсын Засгийн газраас хүсэлт гаргасан хүүхэд бүхэнд “ХҮҮХДИЙН МӨНГӨ”-ийг олгохоор шийдвэрлсэн бол ирэх хичээлийн жилээс эхлэн “ҮДИЙН ЦАЙ” хөтөлбөрийг “ҮДИЙН ХООЛ” хөтөлбөр болгон өргөжүүлэн хэрэгжүүлэхээр боллоо. Аймгийн Засаг дарга, Хүүхдийн төлөө зөвлөлийн даргын хувьд хүүхэд багачууд, эхчүүд, эмэгтэйчүүд, гэр бүл рүү чиглэсэн бодлого, үйл ажиллагааг бүх талаар дэмжин хэрэгжүүлж ажиллах болно. Хойч ирээдүй болсон хүүхэд багачууд, эхчүүд эмэгтэйчүүддээ “ЭХ ҮРСИЙН БАЯР”-ын мэндийг өргөн дэвшүүлж хамгийн сайн сайхан бүхнийг хүсэн ерөөе. Айл гэр бүхэнд инээж цалгиж Хүүхэд бүхэн жаргалтай байг ээ.