Өөрөөр хэлбэл, хүн амын 90 хувийг нь ХАӨМС болон бусад Яам, Тамгын газрын мэдээллийн санд суурилсан аргаар бүртгэж, үлдсэн 10 хувийг нь уламжлалт аргаар буюу Засаг захиргааны анхан шатны нэгж болох өрхөд хүрч очин, цаасан хэлбэрээр асуулга судалгааг авах замаар тоолж бүртгэх юм. Ховд аймгийн хэмжээнд уг тооллогод санамсаргүй түүврийн аргаар сонгогдсон 2325 өрхийн 9903 иргэн хамрагдана гэсэн урьдчилсан судалгааг аймгийн Статистикийн хэлтсээс гаргасан байна. Харин бусад иргэн, айл өрхүүд мэдээллээ харьяа сум, багийнхаа Засаг даргад хандан шалгаж баталгаажуулснаар төрдөө үнэн бодит мэдээллээр тоологдож, бүртгэгдэх юм.