2021 оны 07 дугаар сарын 26-ны 8:00 цагаас 07 дугаар сарын 27-ны 08:00 цаг буюу сүүлийн 24 цагийн хугацаанд нийт 381 сорьцод PCR шинжилгээ хийжээ. Коронавируст халдварын батлагдсан тохиолдол 30-аар нэмэгдэж нийт 2191 боллоо.

Тодруулбал, Ховд сумаас 3, Манхан сумаас 2, Буянт сумаас 1, Эрдэнэбүрэн сумаам 1 иргэнээс халдвар илэрчээ. Харин Жаргалант сумаас 24 иргэнээс халдвар илэрсэн байна. Тухайлбал,

-Наран багт оршин суух 4,

-Тахилт багт оршин суух 3,

-Магсаржав багт оршин суух 1,

-Бугат багт оршин суух 1,

-Буянт багт оршин суух 3,

-Цамбагарав багт оршин суух 4,

-Алагтолгой багт оршин суух 1,

-Рашаант багт оршин суух 3,

-Баатархайрхан багт оршин суух 2,

-Бичит багт оршин суух 1,

-Цементийн үйлдвэрээс 1 иргэн байна.

Аймгийн Онцгой комиссын дэргэдэх “Шуурхай штаб”-аас өгсөн мэдээллээр Ховд их сургуулийн болон Халдвартын тасгийн “Тусгаарлах эмнэлэг”-т өнөөдрийн /2021.07.27/ байдлаар 147 хүн хэвтэн эмчлүүлж байгаагийн 35 нь 0-18 насны хүүхэд, 6 нь жирэмсэн эх байна. Тэдгээрээс маш хүнд-0, хүнд-5, хүндэвтэр-41 бусад нь хөнгөн.

Сумдын Эрүүл мэндийн төв, “Тусгаарлах эмнэлэг”-т нийт 11 хүн хэвтэн эмчлүүлж байна.

Тэгвэл Жаргалант суманд 169, сумдад 10 нийт /179/ хүн гэрээр эмчлүүлж байна.

Сүүлийн 24 цагт эмнэлэг болон гэрийн эмчилгээнээс 52 хүн гарч батлагдсан нийт тохиолдлын 1893 нь эдгэрлээ.

Өнөөдрийн /2021.07.27-ны 09:00 цаг/ байдлаар аймгийн хэмжээнд ойрын хавьтлын 1686 иргэн гэрийн тусгаарлалтад байна.

Иргэн бүр хариуцлагатай байж, “ДЭГЛЭМ”-ээ баримталъя.

Халдвараас сэргийлэн вакциндаа идэвхтэй хамрагдаж "ХАЛДВАРЫГ ХАМТДАА ДАВЪЯ"