Олимпиадын нийлбэр дүнгээр 1-р байранд Увс аймгийн багш, сурагчдын баг 2-р байранд Завхан аймгийн багш, сурагчдын баг 3-р байранд Ховд аймгийн багш сурагчид шалгарсан байна. Уг олимпиадад Ховд аймгийн багш сурагчид анх удаагаа шагналт байранд шалгарсан бөгөөд нийт 9 медаль хүртсэн амжилтыг үзүүллээ. Тухайлбал, 7-р ангийн ангилалд Прогресс сургуулийн сурагч М.Халиунаа алтан медаль, О.Дөлгөөнтамир мөнгөн медаль 8-р ангийн ангилалд ЕБ-ын 3-р сургуулийн сурагч Б.Наранжаргал мөнгөн медаль, Ц.Сарангэрэл хүрэл медаль 9-р ангийн ангилалд Прогресс сургуулийн сурагч С.Сүхбат хүрэл медаль 11-р ангийн ангилалд Алтай сумын ЕБС-ийн сурагч А.Мөнхзаяа хүрэл медаль 12-р ангид Цаст-Алтай цогцолбор сургуулийн сурагч Т.Насанбилэгт хүрэл медаль хүртлээ. Харин бага ангийн багш нарын ангилалд Жаргалант сумын ЕБ-ын 1-р сургуулийн багш Н.Энхжаргал хүрэл медаль, дунд ангийн багш нарын ангилалд Жаргалант сумын ЕБ-ын 3-р сургуулийн багш Х.Лхамсүрэн хүрэл медаль хүртсэн юм. Энэхүү тэмцээний 9-12-р ангийн ангилалд түрүүлсэн сурагчид Улсын олимпиадад оролцох эрхтэй болсон байна.