Ихэр хөвгүүд болох Б.Бэлэгсайхан, Б.Элбэгсайхан, Б.Төвшинсайхан нарыг мялааж тус гэр бүлд 3 өрөө байрны дэмжлэгийг орон нутгийн зүгээс үзүүлэх санаачлагыг Ховд аймгийн Засаг дарга Б.Дүгэржав гаргаж, уг асуудлыг аймгийн ИТХ-аар шийдвэрлүүлжээ. Тэгвэл өнөөдөр аймгийн удирдлагууд залуу гэр бүлд 77 м2, цоо шинэхэн 3 өрөө байрыг нь албан ёсоор хүлээлгэн өглөө.

С.Бадампүрэв, Э.Содномбаяр нар нь “Мөст цэвэрлэг булаг” ХХК-д ажилладаг бөгөөд тус компаний зүгээс залуу гэр бүлд мөнгөн тусламжийг үзүүлэхээс гадна байраа тохижуулахад нь дэмжлэг үзүүлж байгаа юм.