Жаргалант сумын ЗДТГ-аас ахмадуудын судалгааг насны 2 ангилалаар хамгийн сүүлийн үeийн байдлаар гаргасан ба 65-аас дээш настай 1257 иргэн байна.

Тэгвэл өнөөдөр /2021.05.02/ 60-аас дээш настай ахмадуудыг вакцтнжуулалтад хамруулж эхэллээ. Аймгийн Эрүүл мэндийн газраас мэдээлсэнээр Жаргалант суманд түр оршин сууж буй ахмадууд тухайн багийн харьяа Өрхийн ЭМТ-д бүртгүүлэн дахрлаажуулалтад хамрагдах боломжтой юм байна.

Ахмадууд өөрийн харьяа өрхийн Эрүүл мэндийн төвдөө хандан дараах цэгүүдэд очиж дархлаажуулалтад хамрагдсаар байна. Тухайлбал,

-Рашаант Өрхийн ЭМТ-д харьяалалтай ахмадууд 2-р сургууль,

-Жаргалан Өрхийн ЭМТ-д харьяалатай ахмадууд 1-р сургууль,

-Баатархайрхан Өрхийн ЭМТ-д харьяалалтай 7-р сургууль,

-Бугат Өрхийн ЭМТ-д харьяалалтай ахмадууд 6-р сургууль,

-Буянт Өрхийн ЭМТ-д харьяалалтай ахмадууд Прогресс сургууль дээр очиж тус тус дархлаажуулалтад хамрагдана.

Гол нь халдвар, хамгааллын дэглэмээ чанд мөрдөхийг мэргэжлийн байгууллагаас анхааруулж байна.

"ХАЛДВАРЫГ ХАМТДАА ДАВЪЯ"