2021 оны 07 дугаар сарын 28-ны 8:00 цагаас 07 дугаар сарын 29-ний 08:00 цаг буюу сүүлийн 24 цагийн хугацаанд нийт 207 сорьцод PCR шинжилгээ хийжээ. Коронавируст халдварын батлагдсан тохиолдол 27-оор нэмэгдэж нийт 2288 боллоо.

Тодруулбал, Мянгад сумаас 1, Манхан сумаас 1 иргэнээс  халдвар илэрчээ. Харин Жаргалант сумаас 25 иргэнээс халдвар илэрсэн байна. Тухайлбал,

-Магсаржав багт оршин суух 4,

-Бугат багт оршин суух 1,

-Буянт багт оршин суух 3,

-Цамбагарав багт оршин суух 4

-Алагтолгой багт оршин суух 3,

-Наран багт оршин суух 1,

-Баатархайрхан багт оршин суух 1,

-Рашаант багт оршин суух 3,

-Багийн харьяалал нь тодорхойгүй 5 иргэн байна.

Аймгийн Онцгой комиссын дэргэдэх “Шуурхай штаб”-аас өгсөн мэдээллээр Ховд их сургуулийн болон Халдвартын тасгийн “Тусгаарлах эмнэлэг”-т өнөөдрийн /2021.07.29/ байдлаар 137 хүн хэвтэн эмчлүүлж байгаагийн 34 нь 0-18 насны хүүхэд, 6 нь жирэмсэн эх байна. Тэдгээрээс хүнд-6, хүндэвтэр-31 бусад нь хөнгөн.

Сумдын Эрүүл мэндийн төв, “Тусгаарлах эмнэлэг”-т нийт 15 хүн хэвтэн эмчлүүлж байгаагийн Цэцэг суманд 2 хүний биеийн байдал нь хүндэвтэр байна.

Тэгвэл Жаргалант суманд 200, сумдад 19 нийт /219/ хүн гэрээр эмчлүүлж байна.

Сүүлийн 24 цагт эмнэлэг болон гэрийн эмчилгээнээс 22 хүн гарч батлагдсан нийт тохиолдлын 1916 нь эдгэрлээ.

Өнөөдрийн /2021.07.29-ний 09:00 цаг/ байдлаар аймгийн хэмжээнд ойрын хавьтлын 1957 иргэн гэрийн тусгаарлалтад байна.

Иргэн бүр хариуцлагатай байж, “ДЭГЛЭМ”-ээ баримталъя.

Халдвараас сэргийлэн вакциндаа идэвхтэй хамрагдаж "ХАЛДВАРЫГ ХАМТДАА ДАВЪЯ"