Хүүхэд багачуудыг спортоор хичээллүүлэх, эрүүл чийрэг бие бялдартай, зөв хүн болгон хөгжүүлэн төлөвшүүлэх зорилгоор үйл ажиллагааныхаа хөтөлбөрт “АВАРГУУД” хөтөлбөрийг тусган аймгийн ИТХ-аар батлуулан ажиллаж байна. Үүний үр дүнд манай тамирчид аймаг, бүс, Улсын чанартай тэмцээн уралдаанд амжилттай оролцож түүхэн амжилтууд гаргасаар байна. Өнгөрсөн 4-р сард Идэрчүүдийн Волейболын Улсын аварга шалгаруулах тэмцээнийг амжилттай зохион байгуулсан. Тэгвэл энэ удаад “ХОВД-2019” Жүдо бөхийн барилдааны өсвөр үеийн Монгол Улсын аварга шалгаруулах тэмцээнийг Дарви сумын харьяат, “МОСКВА-80” Зуны олимпийн XXII их наадмын Хүрэл медальт, Монгол Улсын начин, Монгол Улсын гавьяат тамирчин Равдангийн Даваадалай гуайн нэрэмжит болгон зохион байгуулж байна. Монгол улсын 21 аймаг, нийслэлийн 9 дүүргийн нийт 49 багийн 700 орчим тамирчид 2005-2007, 2008-аас дээш гэсэн 2 насны ангилалаар оролцож, 122 багц медалийн төлөө өрсөлдөж буй тус тэмцээний нээлтийн арга хэмжээг өнөөдөр /2019.05.18/ ёслол төгөлдөр зохион байгууллаа.