Ажил үүргээ гүйцэтгэж яваад харамсалтайгаар алтан амиа алдсан барилгачин залууст эмгэнэл илэрхийлж, “ЗУЛ ӨРГӨХ ЁСЛОЛ”-ыг аймгийн Засаг даргын Тамгын газраас зохион байгууллаа. 

Талийгаачдын гэр бүл, ах дүү, хамаатан садан, найз нөхөд болон Ховдын ард иргэд Ард-Аюушийн талбайд цуглан зул өргөж, хүндэтгэл үзүүллээ. Энэ үеэр Гандан Пунцаг Чойлин хийдийн лам хуврагууд нийтээр хураасан буянаа бататган бурхан болоочид зориулсан “Зориулга Ерөөл” уншив.