Ховд аймаг
ЗАСАГ ДАРГА ТАМГЫН ГАЗАР
Нүүр
АЙМГИЙН ТУХАЙ
НУТГИЙН УДИРДЛАГА
Бодлого чиглэл
Ил тод
Холбоо барих
Энэ оны 04 дүгээр сард Эрдэнэбүрэнгийн УЦС-ыг барих тендэр шалгаруулалтыг зарлана
2021-3-17
Бүтээн байгуулалт
Ховд аймгийн Засаг дарга, Баруун бүсийн зөвлөлийн дарга Б.Дүгэржав өөрийн цахим хуудаснаа ийнхүү нийтэлсэн байна. Тэрбээр, "Дөргөний УЦС-ын ачаар сүүлийн 5 жил, 3 удаагийн байгалийн онц аюултай үзэгдэл болох хүчтэй шуурганы улмаас үүссэн ОХУ-аас авч буй цахилгаан эрчим хүчний гэмтэл, саатлыг ямар нэгэн хохиролгүй даван тууллаа.
Эргэн санацгаая!!!
Өмнө нь Увс аймагт болсон хүчтэй салхи шуурганы улмаас 2008, 2018 онуудад Хандгайт-Улаангомын 220 кВ-ын цахилгаан дамжуулах агаарын шугамын тулгуурууд хугарсан, томоохон хэмжээний гэмтлүүд гарч байсан. Энэ үед Дөргөний УЦС-аас Баян-Өлгий, Ховд аймгийн хэрэглэгчдийг цахилгаанаар хангаж байв. Энэ удаад ч мөн 3 аймгийн нэг дүгээр зэрэглэлийн хэрэглэгчдийг цахилгаанаар хангаж хүнд үед хүчин чадлынхаа хэмжээнд үүргээ гүйцэтгэлээ. Цаашид ч мөн илч гэрлээ түгээсээр байх нь мэдээж юм.
Өөрийн юм өргүй гэдэг. Бид цахилгаан, эрчим хүчний хувьд хараат байхаа больж дотооддоо үйлдвэрлэн, экспортлох цаг ойрхон байна. Энэ оны 04 дүгээр сарын 24-нд Эрдэнэбүрэнгийн УЦС-ыг барих тендэр шалгаруулалтыг зарлаж ажлыг нь эхлүүлнэ.
Баруун бүс нутгийн иргэдийг цахилгааны хараат байдлаас гаргах, хөгжлийг шинэ шатанд хүргэх түүхэн, чухал шийдвэрийг гаргасан Монгол улсын Ерөнхий сайд асан, МАН-ын дарга Ухнаагийн Хүрэлсүхэд баруун бүсийн аймгуудынхаа нийт ард иргэдийн нэрийн өмнөөс талархал илэрхийлье" гэжээ.
