Төрийн албаны ерөнхий шалгалт 03 дугаар сарын 12, 13, 14-ний өдрүүдэд болно. Энэ удаагийн шалгалтад оролцох иргэдийг 2021 оны 01 дүгээр сарын 25-аас эхлэн 02 дугаар сарын 25 хүртэл цахимаар бүртгэхэд нийтдээ 395 иргэн бүртгүүлсэн байна. Төрийн албаны зөвлөлийн Ховд дахь салбар зөвлөл 1 өдөрт 5 ээлжээр буюу 1 ээлжинд 29 иргэнийг оруулахаар бэлтгэлээ хангасан байна. Тодруулбал, дээрх өдрүүдийн 07,10,12:30, 15, 17:30 гэсэн цагийн хуваариар шалгалтыг авч 3 өдөрт багтаан дуусгах юм. “Ковид-19” цар тахлын халдвараас урьдчилан сэргийлэх үүднээс оролцогчид халдвар хамгааллын дэглэмээ сайтар сахиж хувийн бэлтгэлээ хангаж ирэх ёстой. Зохион байгуулагчид мэргэжлийн байгууллагатай хамтран хүн нэг бүрийн халууныг үзэх, гарыг нь ариутгах хүн хоорондын зайг баримтлах шаардлагатай бол амны хаалтаар хангаж ажиллана.