Америкийн консулын дэд дарга Антони Мотиси, хэлтсийн дэд дарга Б. Уянга нар Ховд аймагт ажиллаж байна. Өнөөдөр ажлын хэсэг аймгийн Засаг дарга Б. Дүгэржавтай уулзаж, хамтын ажиллагааг хэрхэн бэхжүүлэх, оюутны виз болон энгийн визний талаарх мэдээлэл солилцлоо. Мөн аливаа байгалийн гамшигт үзэгдлийн үеэр гадны иргэдэд үзүүлэх тусламж, нөөц бололцооны талаар ярилцав. Ажлын хэсэг өнөөдөр Онцгой байдлын газар, Цагдаагийн газар болон Эрүүл мэндийн газрын төлөөлөгчидтэй уулзах юм. Маргааш /2022.06.10/ Номын сан буюу Америк мэдээллийн төв дээр Оюутны виз болон энгийн визний талаар танилцуулга, мэдээлэл хүргэнэ.